Jobo 25
Balidadi
1 Mpawo Bilidadi Musyuwa wakaingula kuti,
2 “Bwami abulelo bugambya nzizya Leza,
ooyo weendelezya julu lyakwe muluumuno.
3 Sena kuli uukonzya kubala mweelwe wabasilumamba bakwe?
Nguni uutasikilwi mumuni wakwe?
4 Ino mbuti muntu mbwanga walulama kumbele lya Leza?
Inga mbuti muntu uulya maila mbwanga walondoka?
5 Langa, nuuba mwezi tuubalisyi,
azyalo nyenyezi tazimwekesyi kulinguwe.
6 Ino mbuti walo muntu uli mbuli mvunyu buyo,
muntu uli ngunamula buyo?”