Intembauzyo 82
Lwiimbo lwa Asafu
1 Leza wakkala mumbungano yakwe mpati, ulabeteka akati kabaleza.
2 Ulaleka lili kubeteka buteelede, kuvundikizya babi?
3 Bamucaala abateteete amubacitile bweelede,
mubacitile bweelede badyamininwa, bacete.
4 Amununune bateteete, babulide, kuzwa kubabi mubavune.
5 Taakwe ncobazi, tabakwe maanu. Bazulungana mumudima ntalisyo zyanyika zyoonse zilazungaana.
6 Ndakati, “Nywebo muli baleza, nyoonse muli bana ba Sijulu wamajulu.
7 Pele muyoofwa mbuli bantu buyo, muyoofwa bufwa muleli uuli woonse.”
8 Nyamuka, O Leza, ubeteke nyika. Kayi bamasi boonse ndukono lwako.