Intembauzyo 142
Masikili ya Devedi ciindi naakali kukomba mumpangala
1 Ndoompolola ku Mwami Leza, ndapozomoka ku Mwami Leza kuti andeengelele.
2 Ndamutongookela, ndimwaambila mapenzi aangu.
3 Moyo wangu wawizuka, yebo, nduwe oozi nceelede kucita,
bona basinkondoma bateya cisilazya munzila yangu.
4 Langa kululyo lwangu ubone, taakwe aundizwida moyo,
nnyina kwakutijila, taakwe aundilanganya.
5 Njita nduwe, O Mwami Leza, nketi, “Nduwe mayubilo aangu,
nduwe caabilo cangu munyika yabaumi.”
6 Komvwa kulila kwangu nkaambo ndipengede kapati,
ndivune kuzwa kuli baabo bandipenzya, ndivune nkaambo balaanguzu kwiinda ndime.
7 Ndigwisya muntolongo kuti ntembaule zina lyako,
aawo baluleme bayoondizinguluka, bayoondizinguluka nkaambo ulimubotu kulindime.