Intembauzyo 141
Lwiimbo lwa Devedi
1 O Mwami Leza, ndakwiita kuti ufwambaane uzoondigwasye, komvwa jwi lyangu nekwiita.
2 Kukomba kwangu kube mbuli tununkilizyo kumbele lyako,
kunyamuna maboko aangu kube mbuli cipaizyo cakumangolezya.
3 O Mwami Leza bikka cakujala mulomo wangu kuti intalikubwi buyo.
4 Moyo wangu utuulekeli kuti uyande bubi,
utandilekeli kuti nkacite zibi abasizibi,
utandilekeli kuti ndye zilyo zyabo zyoongelezya.
5 Muntu uululeme andisubula, nduzyalo, anditapatila ndizi kuti mbulumbu bwangu.
Pele basizibi batananiki mutwe wangu amafuta, nkaambo nekomba nkazya basizibi.
6 Basololi babo baakutonkwa kuzwida amajeelele, bayoozumina kuti ndakali kwaamba zyabwini.
7 Bayooti, “Mbubonya mbuli mbwapandaula nyika uulima, mbubonya oobo mafuwa eesu mbwaati sabangane mucuumbwe.
8 Meso aangu alangilide kulinduwe, O Mwami Leza, njubide mulinduwe utandilekelezyi kuti mfwe.”
9 Ndivune kuzwa kutukole ntobanditeede, undivune kuzwa kuzisilazya zyabasizibi.
10 Abacegwe basizibi mutunyandi twabo beni, mebo iintweenguluke.