Jelemiya 45

Makani aakatuminwa Baluki

¹ Nceeci Jelemiya musinsimi ncaakaambila Baluki mwanaa Neliya mumwaka wane wakulela kwa Jehoiyakimu mwanaa Josiya mwami wacisi ca Juda, ciindi Baluki naakamana kulemba bbuku amajwi aakali kwaamba Jelemiya. ² Mboobu mbwaamba Mwami Leza, wa Isilayeli ulati kulinduwe Baluki, ³ “Maawe kulindime! Mwami Leza wayungizya mause kumaciswe aangu, ndamana akutongela nsilyookezyi pe.”

⁴ Mwami Leza wakati kuli Jelemiya, “Mwaambile kuti, ‘Mboobu mbwaamba Mwami Leza’ ulati, ‘Njoomwaya ncondakayaka akuzyula eeco ncindakasyanga mucisi coonse eeci. ⁵ Sena uyandaula kulijanina zintu zipati, Utaziyandauli pe. Nkaambo njooletela bantu boonse mapenzi, mbwaamba Mwami Leza, pele kufumbwa ooko nkoyootijila njoocita kuti konooyooli muumi.’”