Intembauzyo 46

Kumweendelezi wanyimbo, aimbye bwiimbwa lwiimbo lwabana ba Kola kweendelana anyimbo ya Alamoti

¹ Nguzu zyesu amayubilo ngu Leza, ngomugwasyi uuliwo muciindi camapenzi oonse.

² Nikuba kuti nyika izungaane inga tatuwi pe,

inga tatuwi nikuba kuti zilundu ziwide akati kalwizi.

³ Pe, tatuwi, nikuba kuti maanzi afufuma akuvuuma,

nikuba kuti zilundu zitenkaane akuvuuma kwawo.

⁴ Nkuuli mulonga uujisi tulonga tubotezya munzi wa Leza,

tubotezya busena busalala ooko nkwakkala Sijulu wamajulu.

⁵ Munzi tuukooyoonyonyoonwa nkaambo Leza ulimukati kawo,

kakucili kubucedo Leza uyoougwasya.

⁶ Misyobo ilazwangana, malelo alooleka, napozomoka ajwi nyika ilabomboloka.

⁷ Ulaandiswe Mwami Leza Singuzuzyoonse, ncikwabilizyo cesu Leza wa Jakobo.

⁸ Amuboole muzoobone bubede milimo ya Mwami Leza, waleta kunyonyooka ansi.

⁹ Mane do kumagolelo aanyika nguulesya nkondo,

nguutyola mata akupandaula masumo, nguuumpa nkalaki amulilo.

¹⁰ “Amuumune muzibe kuti ndime Leza,

kuti ndime Leza uuyootembaulwa akati kamisyobo,

ndime eeyootembaulwa munyika.”

¹¹ Ulaandiswe Mwami Leza Singuzuzyoonse, ncecikwabilizyo cesu Leza wa Jakobo.