Intembauzyo 43
Kukomba kwamwaange
1 O Leza, ndaambilizye kuti ndiluleme, kwabilila mulandu wangu kuli
baabo batakukombi, kubantu babi balucengo kondivuna.
2 Cikwabilizyo cangu nduwe, O Leza, ino unditakatila nzi?
Nkaambo nzi ncenoolila akupenzegwa abasinkondoma?
3 Tumina mumuni akasimpe kako, kuti zindisololele,
zindisisye ooko kucilundu cako cisalala nkokkala.
4 Eelyo njooinka kucipaililo ca Leza, nkainke kuli Leza uuli
ndolutangalo akubotelwa kwangu, njookutembaula akantimbwa, O Leza, Leza wangu.
5 Nkaambo nzi ncooumbalilwa boobu omuuya wangu? Nkaambo nzi ncenyongene
boobu mulindime? Ndinoosyoma muli Leza, ndinoomutembaula, walo ngomufutuli wangu, Leza wangu.