Intembauzyo 13
Lwiimbo lwa Devedi ku mweendelezi wanyimbo.
1 O Mwami Leza, ulaleka lili kunoondiluba lyoonse?
ulaleka lili kulisisa kuzwa kulindime?
2 Ndaleka lili kumvwa macise mumoyo wangu?
Ndaleka lili kuba aabuusu mumoyo wangu mazuba oonse?
Ani sinkondoma unoondizunda kuyoosika lili?
3 Kondiyeeya O Mwami Leza wangu, kondivuwa.
Kondibusya kuti intafwidi muŋonzi.
4 Sinkondoma ataambi kuti, “Ndamuzunda.”
Basinkondoma batakondwi mumapenzi aangu.
5 Pele mebo ndasyoma muluyando lwako lutazungaani.
Moyo wangu uyookondwa mulufutuko lwako.
6 Ndaimbila Mwami Leza, nkaambo uli kabotu kulindime.