Intembauzyo 127
Lwiimbo lwakutanta. Lwiimbo lwa Solomoni
1 Ccita kuti Mwami Leza wagwasilizya mukuyaka ŋanda, mulimo wabayaki inga waba wabuyo.
Ccita kuti Mwami Leza wagwasilizya mukulindilila munzi, mulimo wabaabo buulindilila inga waba wabuyo.
2 Cabuyo mulafuma kubuka alimwi akumuka koona,
mulabeleka kamulipenzya kuti mujane cakulya,
pele aabo bamuyanda ulabapa cakulya kabacoona.
3 Bana balombe ncipego ncobeni cizwa kuli Leza, bulumbu mbwatupa mbana.
4 Bana bakubusi bali mbuli mivwi, mbuli mivwi mumaanza aasilumamba.
5 Ulilelekedwe muntu uujisi mukutu uuzwide mivwi,
takausigwi nsoni ciindi baakuzwangana abasinkondonyina kumulyango.