Intembauzyo 125
1 Aabo basyoma mu Mwami Leza bali mbuli cilundu ca Ziyoni,
cilundu eeco citazungaani, cikkede kukabe kutamani.
2 Mbubonya mbuli zilundu mbozizingulukide Jelusalemu,
mbombuboobu Mwami Leza mbwazingulukide bantu bakwe,
mbwabazingulukide oobo sunu mane kukabe kutamani.
3 Munyika yakapegwa baluleme takukaleli bami babi,
kuyoowa kuti baluleme inga baba nobababisya abalo.
4 O Mwami Leza, balikabotu ubacitila kabotu, ubacitila kabotu aabo baluleme mumyoyo.
5 Boonse aabo baleela munzila zipilingene,
Mwami Leza abasubulile kumwi abacita zibi. Luumuno alube kuba Isilayeli.