Intembauzyo 114
1 Juda wakaba cikombelo ciindi Baisilayeli nibakazwa mu Ijipiti,
wakaba cikombelo ciinga ca Jakobo nicakazwa mucisi cimbi.
2 Juda wakaba cikombelo cisalala cabantu ba Leza, Isilayeli wakaba ncecisi cakwe.
3 Lwizi nilwakabona lwakatija, awalo Jolodani wakapilukila musule.
4 Zilundu zyakasotooka mbuli bagutu, tulundu twakasotooka mbuli tubelele.
5 Ncinzi ncookatija olwizi? Ayebo Jolodani, ino okapilukilila nzi musule?
6 Mwakasotookela nzi mbuli mugutu nywebo nozilundu?
Ncizi ncimwakasotookela mbuli tubelele nywebo notulundu?
7 Kokankama onyika kumbele lya Mwami Leza, kokankama kumbele lya Leza wa Jakobo.
8 Ngonguwe ooyo wakasandula ndomba lyaba ziba lyamaanzi,
lyakali ndomba jumu twaba tusensa twamaanzi.