Intembauzyo 113
1 Amutembaule zina lya Mwami Leza, amumutembaule,
nywebo nobabelesi ba Mwami Leza, amutembaule zina lya Mwami Leza.
2 Alitembaulwe zina lya Mwami Leza, alitembaulwe lino mane kukabe kutamani.
3 Abatembaule zina lya Mwami Leza kuzwa kupaswida zuba kusikila
nkolibbilila, abatembaule zina lya Mwami Leza.
4 Mwami Leza nguulela misyobo yoonse, bulemu bwakwe buli atala aajulu lini.
5 Nguni uuli mbuli Mwami Leza wesu, uukkede acuuno cabwami kujulu?
6 Nguni ulanga ansi mbuli Leza wesu, ulanga kuti abone julu anyika?
7 Nguubusya bacete kuzwa mulusuko, nguunyamuna babulide kuzwa ku bbunta.
8 Nguubakkazika antoomwe abalemenede, antoomwe abaabo balemekwa akati kabo.
9 Nguupa ŋanda kumukaintu uutazyali,
nguumubotezya mbuli kuti awalo ujisi bana bakulizyalila.
Amutembaule Mwami Leza.