Zefaniya 2

Mbubakakumbilwa kuti beempe

¹ Amubungane, amubungane, nomusyobo uunyina nsoni, ² ciindi cibikkidwe nocitanasika, buzuba nobutana pupuluka mbuli bungu, bukali bwa Mwami Leza bupati nobutana musikila. ³ Amukombe Mwami Leza nywebo nyoonse nobabombe munyika, nywebo nomucita nzyalailila. Amucite ziluleme amulibombye, ambweni muyookwabilil wa mubuzuba bwabukali bwa Mwami Leza.

Kunyonyoonwa kwamisyobo iizingulukide Isilayeli

⁴ Munzi wa Gaza uyoosiigwa, wa Asyikeloni uyooba tongo. Aci lungu-lungu munzi wa Asyidodi uyoosyaala mbuboobu, wa Ekiloni uyooolwa. ⁵ Maawe kulindinywe Nobakeleti, nomukkala kumbali aalwizi, majwi aa Mwami Leza aamba zyamapenzi aanu, ayebo ocisi ca Kenani, nyika ya Bafilisiti. “Ndiyoomunyonyoona, taakwe naba omwe uuyoosyaala pe.” ⁶ Nyika iili kumbali lyalwizi, kukkala Bakeleti, iyooba busena bwabeembezi azimpati zyambelele. ⁷ Iyooba nyika yabantu basyeede bamusyobo wa Juda, ooko nkoba yoojana macezezyo. Kumangolezya banoonoolala mumaanda aamunzi wa Asyike loni. Mwami Leza wabo uyoobabamba, uyoobaboozezya zyoolwe zyabo.

⁸ Ndakamvwa kusampaula kwa Bamowabu, amatusi aa Baamoni, bakasampaula bantu bangu ambubakakanza nyika yabo. ⁹ “Nkaako mbubonya mbuli mbwendi muumi,” mbwaamba Mwami Leza Singuzuzyoonse, wa Isilayeli, “Kasimpe cisi ca Mowabu ciyooba mbuli munzi wa Sodomu, Baamoni bayooba mbuli bamu Gomola, busena buzwida bwizu amalindi-lindi amunyo, iitakkalwi lyoonse. Bantu bangu basyeede bayoobasaala, bantu bangu bacipona bayootola nyika yabo.”

¹⁰ Nceeci ncobayoojana mukulisumpula kwabo, mukusampaula akusabula bantu ba Mwami Leza Singuzuzyoonse. ¹¹ Mwami Leza uyoobayoosya aakunyonyoona baleza babo boonse munyika. Misyobo yoonse iili kunkomwe yamulonga iyoomukomba, yoonse iyoo mukomba munyika yayo.

¹² Anywebo no Bakusyi, muyoojaigwa apanga lyangu munkondo.

¹³ Uyootandabika janza lyakwe kunyika kuti akanyonyoone Baasi liya, uyoosiya Nineva yaba tongo lini, iyooyuma nta mbuli nkanda. ¹⁴ Butanga amatanga ayoobuta ooko, azilenge zyamisyobo-misyobo zyoonse. Batumba amasikusiku ziyookkala amisemo yawo. Kulila kwabo kunooyooyooma mumpulungwido, bacikwaangala banooli amilyango yawo, zicinda zyamulombe ziyoosyaala aatuba. ¹⁵ Ngooyu munzi uulisaantide, uukkede muluumuno. Wakalyaambauzya wati, “Iyoobuya, taakwe uuli mbuli ndime pe.” Amubone mbuumwaigwa, waba ciyubilo cabanyama bamusokwe! Boonse bainda munsi lyawo balasabula akuutondeka ntuku.