Mukambausi 6

¹ Ndakabona abumbi bubi ansi oobo bukatazya bantu. ² Leza ulapa muntu buvubi, ulamupa lubono cakuti ulalemekwa, mukuti moyo wakwe ubule ancuutongooka. Pele tamuciti kuti asekelele anzizyo, muntu uumbi buyo nguyoolulya. Acalo eeci ncabuyo, ndipenzi bbyaabi.

³ Muntu ulakonzya kuba aabana bali mwaanda akuba aamyaka minji kunyina makani nikuba kuti aongole buti, kuti na takonzyi kulya eeco ncaakabelekela, akutazikkwa kabotu, ndaamba kuti cisowe ncibotu kwiinda nguwe. ⁴ Kayi calo cilafwa kacitazi, cilapilukila mumudima. Zina lyaco lilavumbwa mumudima. ⁵ Nikuba kuti tiicakabona zuba nikuba kuziba cintu cili coonse, pele calo cilalyookezya kwiinda muntu ooyo. ⁶ Nikuba kuti walo wakkala kwamyaka iili cuulu. Kobilo kwiinda ncico, pele taakonzyi kulya lubono lwakwe. Sena boonse tabayi kubusena bomwe buyo?

⁷ Milimo iili yoonse njacita muntu njakuti ajane cakulya, nikuba boobo nkosya yakwe tiimani pe. ⁸ Ino musongo ulaacoolwe buti kwiinda mufuba-fuba? Awalo mucete ujana mpindu nzi ciindi nalilemeka kumbele lyabamwi?

⁹ Ncibotu kulamwa aceeco ncobwene kale kwiinda kunyomenena ncotabwene. Acalo ncabuyo, cili mbuli kutandaanya luuwo.

¹⁰ Kufumbwa eeco ciliwo, cakabikkidwe kale, alimwi kulizizilwe kale mbuli mbwabede muntu. Taakwe uukonzya kulwana muntu uumwiinda nguzu.

¹¹ Majwi aanyina ncaaamba, ani inga muntu amugwasya buti?

¹² Nguni uuzi cintu cinga cabotela muntu mumazuba mace ngapona, mazuba aabuyo aamana mbuli cinziinzimwa? Nguni uukonzya kumwaambila ciyoocitika ansi aano aakufwa?