Mukambausi 10
1 Mbuli nzinini zifwide mbozinunsya tufuta tununkilila, mbubonya oobo bufuba-fuba nobuceya bulabisya busongo abulemu.
2 Moyo wamuntu musongo ulakakatila kucita ciluleme, pele moyo wamufuba-fuba ulakakatila kububi. 3 Mweendelo wamufuba-fuba ulalibonya kuti takwe maanu, ulatondezya bantu mbwazinzilika.
4 Nikuba kuti muleli wakunyemena, utatakati mulimo wako nkaambo kukkazika moyo kulakonzya kumanya milandu mipati.
5 Kuli bubi mbundakabona ansi aano, kulubizya ooko kucitwa amuleli. 6 Bafuba-fuba ulabasumpula kapati, pele aabo bavubide ubaleta ansi. 7 Ndakabona bazike kabatantide mabbiza, pele bana babami bakali kweenda ansi mbuli bazike.
8 Ooyo uusya cilindi ulawida mulincico mwini, ooyo uupwaya bwaanda ulalumwa nzoka. 9 Ooyo uupwaya mabwe alamucisa ngoonya, ooyo uupandaula nkuni zilamucisa nzizyonya. 10 Kuti keembe kafumpa kwamana tiikakwengwa, weelede kuvuumuka canguzu, pele buuya bulapa kuzwidilila. 11 Kuti nzoka yaluma kale kiitana yasilidwe, taakwe ncanga wagwasya sikuyasa. 12 Majwi aazwa mumulomo wamuntu musongo ngaluse, pele mulomo wamufuba-fuba ulamulekelezya. 13 Majwi aakwe ngoonya aakusaanguna ngabufuba-fuba, kumamanino mmabi, ngabusincinko. 14 Mufuba-fuba ulavuzya majwi. Taakwe uuzi ciboola, nguni uukonzya kumwaambila ciyoocitika aakufwa?
15 Mufuba-fuba ulakatazigwa mubufuba-fuba bwakwe, cakuti tazi kuti kulila nkuku nkokumunzi.
16 Maawe kulinduwe onyika ooli aamwami mukubusi, ooli abasololi balya pobwe cifumo-fumo. 17 Ulilelekedwe yebo onyika oojisi mwami waciinga cabwami, oojisi basololi balya pobwe muciindi ceelede, kuti babe aanguzu kutali kuti bakolwe.
18 Kuti naa muntu mutolo, masomo alabola. Kuti kali mukoko ŋanda inoosweka.
19 Pobwe ndyakusekelezya, waini nguwakulitangazya, pele mali ngaaletela zyoonse eezi.
20 Utatukili mwami nikuba mukuyeeya kwako, nikuba kusinganya mubuvubi muzyuli, nkaambo kayuni kamuluuwo kalaba nokabweza majwi aako kayi bakati, mvuumina masaka mazila alibeenda.