Intembauzyo 87

Lwiimbo lwabana ba Kola

¹ Ntalisyo zyamunzi wakwe zili acilundu cisalala.

² Mwami Leza, uliiyandisya milyango ya Ziyoni, kwiinda minzi imwi yoonse ya Jakobo.

³ Swiilila omunzi wa Leza, uswiilile zintu zibotu nzyakwaambila.

⁴ Lino akati kabaabo bandizi ndalemba Lahabu, Babuloni, Bafilisiti,

Taya kujatikizya a Kusyi, eelyo kuyootegwa, “Ooyu wakazyalilwa mu Ziyoni.”

⁵ Masimpe, kuyootegwa, mmisyobo iizwa ku Ziyoni,

eelyo Sijulu wamajulu uyoowiimika munzi ooyo nji.

⁶ Mwami Leza uyoolemba oomo mulembwa bantu kuti,

“Ooyu wakazyalilwa mu Ziyoni.”

⁷ Baimbi banoozyana nobaimba kuti, “Muziyoni momuzwa zileleko zyesu zyoonse.”