Intembauzyo 75
Kumweendelezi wanyimbo. Aimbye bwiimbwa nyimbo “Kutanyonyoona.” Lwiimbo lwa Asafu.
1 Twakulumba, O Leza, twakulumba, mukuti ulaafwiifwi, tunooambilizya milimo yako iigambya.
2 Leza wakati, “Ndicibambide kale ciindi ceelede cakubeteka,
ciindi ceelede cakubeteka buluzi.”
3 Ciindi nyika niitenkaana, bantu balimulinjiyo nobazyangama, ndime eejata zicinda zyayo.
4 Balisumpula mbaambila kuti, “Mutalisumpuli limbi.”
Babi mbaambila kuti, “Mutaimi bwija bwansya.
5 Mutaimi bwija bwansya kuli Leza, mutalansyi nsingo.”
6 Taakwe muntu kujwe naa kumbo,
nimuba munkanda uukonzya kusumpula bamwi.
7 Pele ngu Leza uubeteka, ulafwiinsya umwi, wamana umwi wamusumpula.
8 Mujanza lya Leza muli nkomeki iizwide waini,
nkomeki iizwide waini uufufumuka abukali, uungwida umwi aumwi wabasizibi,
basizibi boonse baanyika eelyo balanywa akwiimana.
9 Eezi mebo njoozyaambilizya lyoonse, njootembaula Leza wa Jakobo munyimbo.
10 Nguzu zyabasizibi ulazinyonyoona, baluleme ulabasumpula.