Intembauzyo 149
Amumutembaule Mwami Leza
1 Amumutembaule Mwami Leza, mumwiimbile lwiimbo lupya, amumutembaule mumbungano yabasalali.
2 Baisilayeli abasekelele mumulengi wabo, bantu bamu Ziyoni bakondwe mu Mwami wabo.
3 Abatembaule zina lyakwe ooku kabazyana, bamwiimbile nyimbo kabalizya nsakalala akalumbu.
4 Bantu bakwe balamubotela Mwami Leza, babombe myoyo ulabalemeka nabazundya.
5 Abasekelele basalali nkaambo wabapa bulemu oobu, mumaanda aabo abaimbe cakutangala.
6 Milomo yabo iitembaule Leza, iimutembaule kabajisi amapanga aakwengedwe koonse-koonse.
7 Bamasi ababapilusizye bubi, ababasubule bantu aabo.
8 Bami babo babaange anketani, babaange basololi babo ansimbi.
9 Babacite mbubonya bweelede bubi bwabo.
Nkaambo oobu mbobulemu bwabasalali bakwe boonse.