Intembauzyo 123
Lwiimbo lwa kutanta
1 Ndatambya meso aangu kuli nduwe, kulinduwe yebo oojisi cuuno cabwami kujulu.
2 Mbuli babelesi mbobalangila kugwasigwa a simalelo wabo,
mbuli musimbi mubelesi mbwalangila kugwasigwa kuli mukasimalelaakwe,
mbubonya buyo oobo aswebo mbotulangila ku Mwami Leza wesu,
kulangila ku Mwami Leza wesu kusikila akatweengelele.
3 Tweengelele O Mwami Leza, tweengelele nkaambo twafwa kusampaulwa.
4 Twafwa kufubaazigwa abasikasampu-sampu, tulasampaulwa abaaba basikami-kami.