Intembauzyo 121
Lwiimbo lwakutanta
1 Ndatambya meso aangu kutulundu, ani lugwasyo lwangu lulazwida kuli?
2 Lugwasyo lwangu luzwa ku Mwami Leza, ooyo wakalenga julu anyika.
3 Cituta cangu taticilekele kuti citezemuke, nkaambo ooyo uukubamba ulipakamene.
4 Masimpe ooyo uubamba Isilayeli takonzyi koona nikuba kuumfula.
5 Mwami Leza nguukubamba, ngonguwe uukwabilila janza lyako lyalulyo.
6 Izuba talikakucisi sikati, mbubonya buyo oobo awalo mwezi masiku.
7 Mwami Leza uyookubamba kuzwa kuli zeezyo zikonzya kukucisa, nguuyoobamba buumi bwako.
8 Mwami Leza ngunookubamba, nguunookubamba kuli koonse nkoyooya kuzwa sunu mane akutamani.