Intembauzyo 110
Lwiimbo lwa Devedi
1 Mwami Leza ulati ku mwami wangu, “Kkala kululyo lwangu,
kusikila nkabikke basinkondonyoko, nkababikke kuti cibe cilyatilo cako.
2 Mwami Leza, uyoobukwakwamuna bwami bwako kuzwa ku Ziyoni,
uyoolela akati kabasinkondonyoko.”
3 Basilumamba bako banooyoolyaabide ncobeni mubuzuba bwankondo,
mbubonya mbuli mume wakutulundu-lundu mbobayooboola,
mbobayooboola bakubusi bako kulinduwe mbobuyoongwengwemukila buyo.
4 Mwami Leza wakonkezya alimwi tatileke mbwayeeya nati,
“Ulimupaizi walyoonse alyoonse, bupaizi bwako mbwamusyobo wa Melikezedeki.”
5 Mwami Leza uli kujanza lyako lyalulyo, uyoopwayaula bami mubuzuba bwabukali bwakwe.
6 Uyoobeteka bamasi, uyoolundika bafwide, boonse baleli banyika uyoobapwayaula.
7 Uyoonywa maanzi mukalonga kali munsi aanzila, uyooima nji cakuzunda.