Intembauzyo 11
Lwa Devedi kumweendelezi wanyimbo
1 Muli Leza mwenjubide. Ino mulandaambila buti kuti,
“Tijila kuzilundu mbuli muyuni.”
2 Amubone, basizibi baloongomeka buta bwabo,
bapatika kale mivwi yabo kutukole
kuti bayase baluleme kuzwa mumudima.
3 Kuti matalikilo anyonyoonwa,
ino muntu uululeme ulacita nzi?
4 Mwami Leza uli muŋanda yakwe iisalala,
cuuno cakwe cabwami cili kujulu.
Nkwalangilila bantu, meso aakwe alabalingula.
5 Mwami Leza ulalingula baluleme abasizibi
pele moyo wakwe usulaikide bazangi.
6 Uyoobawisizya makala aamulilo uuyaka wamabwe aasalufa,
ayoowa mbuli mvula, uyoobasubula bweelede aluuwo lupya.
7 Nkaambo Mwami Leza uliluleme, ulayandisya milimo iiluzi.
Balulami bayoomubona.