Intembauzyo 1
BBUKU LITAANZI
(Intembauzyo 1—41)
1 Ulilelekedwe muntu ooyo uukaka kulaya kwababi,
ooyo uutatobeli nzila zyabasizinyonyoono,
nguwe ooyo uutakkali abaabo basikusampaula Leza.
2 Kukondwa kwakwe kuli mumilawo ya Mwami Leza,
Milawo eeyi uliiyeeya masiku amasikati lyoonse.
3 Uli mbuli samu likomena munsi aamulonga,
lizyala micelo yalyo muciindi ceelede,
lilijisi matu aatayumi, zyoonse nzyacita zilazwidilila.
4 Pele basizibi tabali boobo pe.
Bali mbuli buungu bupepaulwa buyo amuuwo.
5 Basizibi Leza uyoobapa mulandu mu ciindi calubeta.
Basizinyonyoono bayoozandulwa mumbungano yabaluleme.
6 Nkaambo Leza uzi bubambwa baluleme.
Basizinyonyoono uyoobalobya.