1 Makani 6
Mukwasyi wabapaizi
1 Levi wakazyede bana balombe botatwe ba: Gesyoni, Kohati a Melali. 2 Kohati wakazyede bana balombe bone ba: Amulamu, Izaa, Hebuloni a Uziyeli. 3 Amulamu wakazyede bana balombe bobilo ba: Aloni a Mozesi amwana musimbi Miliyamu. Aloni wakazyede bana balombe bone ba: Nadabu, Abihu, Eliyazaa a Itamaa. 4 Balunyungu lwa Eliyazaa kuzwa kuzyalani azyalani bali boobu, Finehasi, Abisyuwa, 5 Buki, Uzi, 6 Zelahiya, Melaiyoti, 7 Amaliya, Ahitubi 8 Zadoki, Ahimaazi, 9 Azaliya, Johanani, 10 Azaliya, ooyo wakabelekela muŋanda ya Mwami Leza yakayaka mwami Solomoni mu Jelusalemu. 11 Amaliya, Ahitubi, 12 Zadoki, Syalumu, 13 Hilikiya, Azaliya, 14 Selaiya, Jehozadoki wakajatwa ciindi Mwami Leza naakacita kuti 15 bantu ba Juda alimwi abamu Jelusalemu batolwe mubuzike a Nebukadineza.
Bamwi balunyungu lwa Levi
16 Levi wakazyede bana balombe botatwe ba: Gesyoni, Kohati a Melali, 17 umwi aumwi wabo wakazyede bana balombe. Gesyoni wakazyala Libini a Syimeyi, 18 Kohati wakazyala Amulamu, Iziha, Hebuloni a Uziyeli. 19 Melali wakazyala Mahili a Musyi.
20 Mbaaba balunyungu lwa Gesyoni kuzwida kuzyalani azyalani. Libini wakazyala Jahati, a Zima, 21 Joya, Ido, Zela, Jeyatelayi.
22 Mbaaba balunyungu lwa Kohati kuzwa kuzyalani azyalani mbaa: Aminadabu, Kola, Asii, 23 Elikana, Ebiyasafu, Asili, 24 Tahati, Uliyeli, Uziya a Syauli.
25 Elikana wakazyede bana balombe bobilo mbaa: Amasayi a Ahimoti. 26 Mbaaba balunyungu lwa Ahimoti kuzwa kuzyalani azyalani, Elikana, Zofayi, Nahati, 27 Eliyabu, Jelohamu a Elikana.
28 Samuyele wakazyede bana balombe bobilo mbaa: Joweli wakusaanguna a Abija.
29 Mbaaba balunyungu lwa Melali kuzwa kuzyalani azyalani, Mali Libuna, Syimeyi, Uza, 30 Syemeya, Hagiya a Asaiya.
Baimbi bamuŋanda ya Mwami Leza
31 Mbaaba baalumi aabo Devedi mbaakabikka kweendelezya zyanyimbo muŋanda ya Mwami Leza ciindi bbokesi lya Mwami Leza nilyakabikkwa oomo. 32 Mulimo wabo wakali wanyimbo mutente lyakuswaanganina kusikila Solomoni naakayaka ŋanda ya Mwami Leza mu Jelusalemu. Mulimo ooyu bakuucita kweendelana amalailile ngibakapegwa. 33 Mikwasyi yabaabo bakabeleka milimo eeyi kuciinga ca Kohati yakali boobu: Hemani musololi wabaimbi wakali mwanaa Joweli wakusaanguna. Mundandanda wamukwasyi wakwe kuyoosika kuli Jakobo uli boobu: Hemani, Joweli, Samuyele, 34 mwana wa Elikana, Jelohamu, Eliyeli, Towa, 35 Zufu, Elikana, Mahati, Amasayi, 36 Elikana, Joweli, Azaliya, Zefaniya, 37 Tahati, Asili, Ebiyasafu, Kola, 38 Izaa, Kohati, Levi, Jakobo, 39 Asafu ngowakali musololi wabaimbi babili mundandanda wamukwasyi wakwe kuyoosika kuli Levi uli boobu: Asafu, Belekiya, Syimeya, 40 Mikayeli, Baaseiya, Malikija, 41 Etini, Zela, Adayiya, 42 Etani, Zima, Syimeyi, 43 Jahati, mwanaa Gesyomu, mwana wa Levi.
44 Etani waciinga ca Melali nguwakali musololi wabaimbi batatu mundandanda wamukwasyi wakwe kuyoosika kuli Levi uli boobu: Abudi, Maluki, 45 Hasyabiya, mwana wa Amaziya, mwanaa Hilikiya, 46 mwana wa Amuzi, mwanaa Bani, mwanaa Syema, 47 mwanaa Mali, mwanaa Musyi, mwanaa Melali, mwanaa Levi 48 nkabela Balevinyina bamwi bakapegwa kuti babeleke milimo imwi yamutente, amuŋanda ya Leza.
Balunyungu lwa Aloni
49 Pele Aloni abalunyungu lwakwe mbibakali kupa zyakutenta acipaililo, akutenta tununkilizyo amilimo yoonse iicitwa mubusena busalalisya kukombelezezya Baisilayeli mukweendelana azeezyo Mozesi mubelesi wa Leza nzyaakaamba. 50 Bana ba Aloni mbaa: Eliyazaa, Finehasi, Abisyuwa, Buki, 51 Uzi, Zelahiya, 52 Melaiyoti, Amaliya, Ahitubi, 53 Zadoki, a Ahimaazi.
Bana ba Aloni nkobakali kukkala
54 Ngaaya masena ngibakapegwa mbuli zisi zyabo, alo akapegwa kulunyungu lwa Aloni kuzwa kuciinga ca Kohati nkaambo caabilo cakusaanguna cakali cabo. 55 Bakapegwa Hebuloni mucisi ca Juda kubikkilizya amacelelo aawo. 56 Pele myuunda aminzi yakazingulukide munzi ooyu yakapegwa Kalebi mwanaa Jefune. 57 Aboobo balunyungu lwa Aloni bakapegwa Hebuloni uuli mmunzi wakulivunina, aminzi ya Libuna, Jatili, Esyitemowa, 58 Hileni amacelelo aawo, Debili, 59 Asyani, Juta, Betisyemesyi kubikkilizya amacelelo aayo. 60 Lino kuzwa kumusyobo wa Benjamini bakapegwa Gibeyoni, Geba, Alemeti kubikkilizya amacelelo aayo a Anatoti. Minzi eeyi yakapegwa kuziinga zya Kohati yakali kkumi aitatu.
61 Bamwi balunyungu lwa Kohati bakapegwa minzi iili kkumi kuzwida kuziinga zyacisela ca Manase. 62 Balunyungu lwa Gesyoni muziinga zyabo bakapegwa minzi iili kkumi aitatu kuzwida kumisyobo ya Isakaa, Asya, Nafutali akuzwida kucisela camusyobo wa Manase uuli mu Basyani. 63 Balunyungu lwa Melali muziinga zyabo bakapegwa minzi iili kkumi aibili kuzwida kumisyobo ya Lubeni, Gadi a Zebuluni. 64 Mboombubo oobo Baisilayeli mbubakapa Balevi minzi eeyi amacelelo aayo. 65 Kuzwa kumisyobo ya Juda, Simiyoni a Benjamini bakapegwa iilya minzi. 66 Bamwi baziinga zya Kohati bakapegwa minzi kuzwida kumusyobo wa Efulemu. 67 Munyika yatulundu-lundu ya Efulemu bakapegwa Syekemu wakulivunina aminzi ya Geza. 68 Jokimeyamu, Betiholoni, 69 Aijaloni, Gatilimoni kubikkilizya macelelo aayo. 70 Nkabela kuzwida kucisela camusyobo wa Manase, Baisilayeli bakapa minzi eeyi: Anee, Bileyamu kubikkilizya amacelelo aayo. 71 Bagosyeni bakapegwa minzi eeyi kuzwa kuciinga cacisela camusyobo wa Manase. Golani mu Basyani a Asyitaloti kubikkilizya amacelelo aayo. 72 Kuzwida kumusyobo wa Isakaa bakapegwa Kadesyi, Dabelati, 73 Lamoti a Anemu kubikkilizya amacelelo aayo. 74 Kuzwida kumusyobo wa Asya bakapegwa Masyali, Abudoni, 75 Hukkoki a Lehobu kubikkilizya amacelelo aayo. 76 Kuzwida ku musyobo wa Nafutali bakapegwa Kadesyi wamu Galilii, Hamoni a Kiliyataimu kubikkilizya amacelelo aayo.
77 Bamelali bakapegwa minzi eeyi kuzwida kumusyobo wa Zebuluni, Jokineyamu, Kaata, Limoni a Tabo kubikkilizya amacelelo aayo. 78 Kuzwida kumusyobo wa Lubeni kujwe lya Jeliko kuzubuka mulonga wa Jolodani bakapegwa Beza munkanda, Jaaza, 79 Kedemoti a Mefaati kubikkilizya amacelelo aayo. 80 Kuzwida kumusyobo wa Gadi bakapegwa Lamoti mu Giliyadi, Mahanaimu, 81 Hesyiboni a Jaza kubikkilizya amacelelo aayo.